#Operación_Linux

12 de Xineru de 2011

Menuda la que s’armó estos díes nes redes sociales col tema de la #Operación_Linux. Pa quien nun lo sepa, resulta que la policía trincó a dos presuntos collaboradores d’una organización armada, y a la operación llamáronla #Operación_Linux (supuestamente ye Linux y non Linus, como apunten otres fontes).

Bono, el casu ye qu’armóse la de coyer, porque a los usuarios de Linux nun-yos fizo plizca gracia, y que si “agora van identificar Linux con terrorismu“, que si “mio ma va pensar que soi un antisistema” que si “ye lo que nos faltaba pa desprestixar al software llibre“, y cantidá de chorraes más.

Ye cierto que Linux entá nun tien muncha aceutación ente la xente (Porque nun lu conocen: y la inorancia munches vegaes, lloñe de ser atrevida ye estúpida), y que cuesta muncho facer que la xente atalante’l conceutu del Software llibre, pero yo nun creo que seya pa tanto…

… y val que podríen escoyer otru nome meyor, pero ye que si a la operación la denomasen  #Operación_Windows , igual aínda taben tapando furacos pa echalo a andar…..

humor geek

Microsoft, “Casu d’Éxitu”

22 d'Ochobre de 2010

Payares 2006: La bolsa de Londres camuda a tecnoloxía de Microsoft. Como de costumbre, M$ coles sos falacies nos cunta lo bonos que son:

Ochobre 2010: Tres delles cayíes del sistema y pérdides millonaries, la bolsa camuda de nuevo a Linux. ¿Resultáu? ;) ¡Adivinái!

Sólo hai una expresión perfecta: LOL!!!!

PD: Calca nes imáxenes pa dir a la noticia orixinal.

Aplicaciones portables de Linux

7 d'Agostu de 2010

¿Qué son les aplicaciones portables? Pues aplicaciones que puedes llevar nun pendrive, y usales en cualesquier ordenador Linux al que te coneutes, d’esti mou trabayarás siempres coles ferramientes que más te presten.

Si camientes que hai poques aplicaciones portables, equí te dexo una amuesa gráfica de lo que puedes alcontrar nesta web: http://portablelinuxapps.org/

Munches aplicaciones yá tán disponibles n’asturianu, VLC, Inkscape, Liferea, aMule, emesene, Pidgin, OpenOffice, Transmission, X-Chat, GIMP, Arora, Firefox, … pero otres entá non, ¿anímeste? ;)

La páxina sigui y sigui xorreciendo con más aplicaciones…. Gloobus, Blender, Audacity,… etc, esperemos que’l ritmu nun pare :D

Les coses bien feches, bien paecen.

4 d'Agostu de 2010

Alcontré esti dibuxu n’internet. Ye claru, concisu, y pa que vamos engañanos, define perfeutamente la realidá d’estos dos sistemes operativos:

Pero claro, daquién vió que ehí faltaba daqué, y nun tardaron n’iguar la semeya. AGORA TA COMPLETA :D

Revista Linux Magazine: Tú pones el preciu

8 de Xunu de 2010

Sí, promoción del 8 al 13 de xunu, onde suscribeste a 6 númberos de la revista online de Linux Magazine, al preciu que tú digas.

Y el 10% donáu a Hispalinux, GNOME o KDE :D ¡Perbona iniciativa!

Más información equí ;)


Zarrar
Mandar Corréu Electrónicu