Llanzador pa Unity de Softastur

12 de Mayu de 2011

Ufrimos un llanzador pa Unity d’enllaces útiles y frecuentes de Softastur :D

Simplemente instala esti ficheru.

Tres instalalu con doble click, calca nel botón d’Ubuntu y gueta “softastur”, verás l’iconu de Softastur, arrástralu sobre’l llanzador de manzorga.

Agora yá tenemos un llanzador, calcamos col botón drechu del mur sobre’l de Firefox y seleicionamos en Caltener nel llanzador, ya que’l de Softastur valdrá como llanzador pa la web ;)

Agora si calcamos col botón izquierdu del mur abriremos Firefox, si calcamos col botón drechu del mur tendremos los enllaces más frecuentes de Softastur :)

Esti programa ta llicenciáu embaxu GPL3 y ta basáu nel trabayu de Pablo Capeluto d’Ubuntu Uruguai.

Llanzamientu de Libreoffice 3.3.0 n’asturianu.

25 de Xineru de 2011

Por fin yá ta equí Libreoffice n’asturianu.

The Document Foundation acaba de llanzar la versión final d’esta suite ofimática que va sustituyir a Openoffice n’Ubuntu a partir d’abril. Nun pasa nada si nun uses Ubuntu, tamién ta disponible pal restu de les plataformes. :D

Dende Tapaponga yá veníemos avisando de toos estos movimientos, y fai tiempu que se punxeron los enllaces a los paquetes beta pa testéu. Gracies al equipu de Softastur, (n’especial a Xuacu) por conseguir la inclusión de la nuesa llingua dende’l principiu. (Asegúrovos que nun foi nada cenciello)

La páxina de descargues ta disponible equí.

Los usuarios impacientes d’Ubuntu 10.10 pueden probar la versión final del siguiente mou:

sudo add-apt-repository ppa:libreoffice/ppa

sudo apt-get update && sudo apt-get install libreoffice

sudo apt-get install libreoffice-gnome (pa usuarios de gnome)
sudo apt-get install libreoffice-kde (pa usuarios de kde)

Como nun podía ser d’otra forma, Libreoffice yá cuenta con ventaxes sobre Openoffice.

Pa los que nun s’atrevan, namás hai qu’esperar 3 meses, hasta que salga Ubuntu 11.04 ;)

Collabora con Softastur. Ponte en contautu

La llingua asturiana nel llugar 12 del mundu

14 d'Ochobre de 2010
Tornes d'Ubuntu 10.10

Tornes d'Ubuntu 10.10

¡Faltó poco pal 10 perfeutu!

Fueron los collacios eslovenos los qu’algamaron quedar nel décimu llugar del mundu pol númberu de tornes de los programes básicos d’Ubuntu 10.10 (fai 6 meses taben nel puestu 24)

Pola nuesa parte, namái llegamos al 12ᵁ llugar del mundu (tábemos xusto detrás de los eslovenos, nel puestu 25); a ver si pa la siguiente llegamos al 11ᵁ ;)

Les estadístiques tan equí.

Radio Kras: Software Llibre y Softastur

15 de Xunetu de 2010

Nel programa A Contracorriente (de la mitá al final) de Radio Kras entrevisten a Xandru Armesto de Softastur, sobro qué ye eso del Software Llibre :)

Pa oyilu calca equí o na so web tienes un reproductor integráu na web.

Descarga OpenOffice.org n’Asturianu

14 de Febreru de 2010

Lo prometío ye deuda, y, como anunciábemos fai un mes, OpenOffice, acaba d’asoleyar la versión 3.2.0, que por primer vegada inclúi la Llingua Asturiana . Gracies al equipu de Softastur.

Dempués d’un trabayu de 2 años, yá ye oficial :D

¡¡¡¡¡Descarga OpenOffice.org n’Asturianu pa Ubuntu, Windows, o Mac!!!!

La versión final d’OpenOffice 3.2.0 inclúi munches meyores:

  • Arranque más rápidu (5 segundos).
  • Meyor sofitu pal formatu ODF.
  • Sofitu pa formatos propietarios como los documentos XML protexíos por contraseña de MS Office.
  • Nuevos diagrames en Chart.
  • Xestión avanzada del copia y pega.
  • N’asturianu ;)
  • Y abondes más

Güei ye un día históricu pa la llingua asturiana, por fin dispón d’una suite ofimatica avanzada y llibre :D Incluyendo un procesador de testos, una fueya de cálculu, pa facer presentaciones, bases de datos, debuxos y esquemes y fórmules matemátiques.

Puedes baxala dende equí. ¡A esfrutala! :D

Gracies a tol equipu de softastur, que trabayó llibre, gratuita, ya desinteresadamente durante 2 años, pa facer esti proyeutu realidá.


Zarrar
Mandar Corréu Electrónicu