¡Perdí el mio portátil!

28 de Xunetu de 2009

No, nun ye de verdá. Pero el día menos pensáu podemos alcontranos diciendo eso…

Pa estos casos, lléganos dende Chile el programa Prey, que funciona como un serviciu nel entamu, anubríu de los usuarios. Lo que fai ye restolar na rede la esistencia de una páxina que’l dueñu del portátil cria en casu que-y desapaeza l’ordenador. Si la páxina esiste unvía un corréu que contién los datos de la conexón que ta usándose, la llista de programes n’execución, una semeya del escritoriu y, si l’ordenador tién activada la webcam, una semeya de la persona que ta… hmmm… tentando devolver l’ordenador. Si el dueñu nun conseña una páxina web na instalación, Prey executaráse cada ciertu tiempu.

Hai versiones pa Linux, Windows y Mac y ta embaxo la llicencia GPLv3+cerveza (o sea, si alcuentres l’ordenador, invites a una cerveza. Nun se si valdríen unos culinos de sidra)

Llama a tlfnos fixos de 1/2 mundu de baldre

27 de Setiembre de 2008

Entrugábame l’otru día Astur sobre telefonía IP.

Güei puseme a indagar, y atopé una sorpresa bien prestosa 😀 Llamar con Ekiga a traves de VoipBuster, pudiendo llamar 300 minutos a la selmana de baldre a estos países:

Andorra
Australia
Austria
Bélgica
Canadá
Checa, Rep.
Chile
Chipre
Dinamarka
España
Estonia
Estados Unidos
(+mobile)
Finlandia
Francia
Guam
Hong-Kong
(+mobile)
Hungria
Irlanda
Islandia
Israel
Italia
Japón
Luxemburgo
Malasia
Mónaco
Noruega
Nueva Zelanda
Países Bajos
Panamá
Portugal
Puerto Rico
(+mobile)
Singapur
Sudcorea
Suiza
Taiwan

Pa ello usaremos el programa open source Ekiga, incluyíu n’Ubuntu (Menú Aplicaciones/Internet)  😉  col protocolu de VoipIP VoidBuster.

Abrimos Ekiga y configuramoslu según la nuestra conesión.

Dempués creamos una cuenta en VoipBuster. Unvíarannos un email pa que confirmemos l’alta.

Agora que somos usuriarios de VoipBuster, n’Ekiga vamos al menu Edit/Accounts y creamos una cuenta asina:

Nome de la cuenta: VoipBuster
Rexistru: sip1.voipbuster.com
Nome d’usuariu: el vuestru nome d’usuariu al davos d’alta en VoipBuster.
Contraseña: La vuestra contraseña d’usuariu al davos d’alta en VoipBuster.

¡Ya ta! Asina de cenciello 😀

Agora pa llamar a un fixu d’esos países ponemos como númberu:
sip:0034XXXXXXXXX@sip1.voipbuster.com

Onde 0034 ye’l prefixu internacional y XXXXXXXXX sustitu-ylu pel teléfonu 😉

Calques nel boton de la drecha (ye como un enchufe), y nunos 10 segundos llamará 😀

Asegurate de poner el volume del altavoz y del micru amediaos na pestaña “Audiu” 😉 Sinon, nun oirás na. Asegurate que la to configuración d’audiu/micro ye correuta tamién 😉

Remembra que con Ekiga, creando una cuenta d’Ekiga, puedes falar indefinidamente ente usuarios online, pero esta configuración será un post aparte 🙂

¡A disfrutalo!

¿SAMBA? Non gracies, yo uso NFS

20 d'Abril de 2008

Samba algamó un reconocimientu merecíu pa xestionar la conesión d’una rede llocal.
Pero esti programa tien sentíu sólo nun casu: L’intercambiu d’información ente Windows y Linux.

Pero cuando se quier intercambiar información sólo ente sistemes Linux, la meyor opción (por simplicidá y velocidá) ye usar NFS, que ye’l protocolu standard pa compartir carpetes de rede n’UNIX / Linux.

Esto permite nel mio caso intercambiar archivos ente’l mio ordenador de sobremesa y el portátil, a traves del router 😀 Como tamién xugar a xuegos qu’almitan rede llocal (LAN), o facer copies de seguridá ente ambos, ver películes nel cliente que tan almacenaes nel servidor, etc, a la mayor velocidá posible (SAMBA nun algama tanta velocidá).

nfs

NFS requier 2 coses:
1.- Un ordenador servidor (Suministra información al ordenador cliente).
2.- Un ordenador cliente (Garra información del ordenador servidor).

Exemplu: Si quiero pasar datos del sobremesa al portátil, el sobremesa será’l servidor, y el portátil el cliente.

  • ISTALACIÓN:

Seguimos estos pasos NEL SERVIDOR:
1.- Istalamos dende terminal los programes necesarios:
sudo aptitude -P install nfs-kernel-server nfs-common portmap

2.- Configuramos el portmap:
sudo dpkg-reconfigure portmap
Dicimos-y que NON al loopback cuando nos entrugue.

3.- Abrimos l’archivu /etc/exports:
gksudo gedit /etc/exports

4.- Especificamos-y nesi archivu les carpetes a les que permitirá aceder el servidor, faciendo una llínea por cada carpeta:
/home/usuariu/tapaponga 192.168.1.2(rw,no_root_squash,async)

Onde /home/usuariu/tapaponga ye’l directoriu al que se permitirá aceder al cliente.
Onde 192.168.1.2 será la IP del cliente al que se va a permitir aceder al directoriu anterior (Puede ponese un rangu na manera 192.168.1.1/127). D’esti modu sólo podrá aceder el ordenador que nosotros queramos 😉
Onde rw ye permisu de llectura/escritura pal cliente (Puede ponese ro pa que’l permisu seya sólo de llectura).
Onde no_root_squash permite que’l usuariu root del cliente tenga acesos root nel servidor.
Onde async ye una sincronización asincrona (Puede ponese sync que ye sincrona, más segura, pero más llenta).

5.- Debemos reiniciar el servidor NFS:
sudo /etc/init.d/nfs-kernel-server restart

6.- Facer les modificaciones del archivu /etc/exports efectives con:
sudo exportfs -a

7.- NEL ORDENADOR CLIENTE crear el directoriu onde montaremos el servidor:
sudo mkdir /media/server

  • USU:

Lo único que debemos facer cada vegada que queramos aceder dende’l cliente a la información del servidor, ye montar nel cliente un directoriu dende la IP del servidor.

sudo mount 192.168.1.1:/home/usuariu/tapaponga /media/server

Onde 192.168.1.1 ye la direción IP del servidor.
Onde /home/usuariu/tapaponga ye’l directoriu a compartir dende’l servidor
Onde /media/server ye’l directoriu onde se montará’l directoriu del servidor.

Con facer esto aparecerá nel escritoriu, nel menú places, la unidá montada, pudiendo aceder a ella pel Nautilus, terminal…

  • EXEMPLU:

El mio sobremesa será el servidor (IP = 192.168.1.1), y el portátil el cliente (IP = 192.168.1.2), y quiero ver dende’l portatil les películes del sobremesa (servidor) almacenaes en /home/tapaponga/Videos. Ambos conectaos pel router.Nel sobremesa:
sudo aptitude -P install nfs-kernel-server nfs-common portmap
sudo dpkg-reconfigure portmap -> Dicimos-y que NON al loopback.
gksudo gedit /etc/exports
Nel archivu ponemos esta llínea:
/home/tapaponga/Videos 192.168.1.2(ro,no_root_squash,async)
sudo /etc/init.d/nfs-kernel-server restart
sudo exportfs -a

Nel portátil:
sudo mkdir /media/Videos

Finalizada la istalación, cada vegada que queramos ver les pelis almacenaes nel sobremesa, escribiremos na terminal del portátil esti comandu:
sudo mount 192.168.1.1:/home/tapaponga/Videos /media/Videos
Y ya podemos navegar col Nautilus pa abrir les pelis 😀

Remembra estes consideraciones:

Si quies que siempre se monte nel cliente un directoriu col servidor, añade’l comandu de montaxe al archivu /etc/fstab

192.168.1.1:/home/tapaponga/Videos /media/server nfs rw 0 0

Los espacios son tabuladores.

Los 0 son ceros.

Tienes la ventaxa tamién de montar 2 ordenadores como servidor y cliente, faciendo un intercambiu n’ambes direciones. Pa ello repite la operación d’istalación nel otru, y fae les operaciones d’usu nos dos.

Ye posible referenciar a una grabadora de DVDs, cola ventaxa que nun fae falta que merquemos 2 grabadores pa cada ordenador, pudiendo compartir una ente los dos 😀

Perimportante que toles lletres mayúscules y minúscules (sobre too de directorios) se respeten.

Montar archivos d’imaxen de CD

17 d'Abril de 2008

Revolviendo ente los CDs atopé un programa en formatu ISO. Esti formatu ye un archivu preparau pa grabar a CD, dexandolu afayaízu pa executar, pero por si sólu nun ye executable.

N’ubuntu tenemos les siguientes opciones de montar distintos tipos de archivu:

ISO: sudo mount -t iso9660 -o loop imaxen.iso /home/usuariu/tapaponga

BIN y CUE: bchunk imaxen.bin imaxen.cue imaxen.iso

NRG (Nero Burning Rom): nrg2iso imaxen.nrg imaxen.iso

MDF y MDS: mdf2iso imaxen.mdf imaxen.iso

IMG: ccd2iso imaxen.img imaxen.iso

Remembra siempre que ye perconveniente desmontar lo montao anantes de estraelo. Pa ello:
sudo umount /media/imaxen

PD: Pa montar en un directoriu, hai que crealu previamente 😉
mkdir [ruta][/][directoriu]
Exemplu: mkdir tapaponga Esto creará un directoriu onde temos nomáu “tapaponga”.

Toles imaxenes esplicaes, menos la de ISO, necesiten tener cada programa istalau según la llista embaxo.
Pa ello executa esto na consola:
sudo apt-get install nome_del_programa
BIN y CUE: bchunk
NRG (Nero Burning Rom): nrg2iso
MDF y MDS: mdf2iso
IMG: ccd2iso

Virtualbox Seamless

13 d'Abril de 2008

Cuando executes Virtualbox (val pa executar otru sistema simultaneamente), ponte les ventanes integraes na propia d’esi sistema.

Pero tien la opción de que les ventanes s’acoplen coles del sistema anfitrión (nesti casu Ubuntu), algamando coses como esta:

Virtualbox seamless

¿Como algamalo?Pues cuando tes executando Virtualbox calca la tecla configurada como Host (suel ser Ctrl de la drecha por defectu) y ensín soltala calques la tecla L.

Y alehop! 😀

PD: Pa volver al estau normal de Virtualbox, calca de nuevo Host+L 😉

¿Dices qu’eso ye ASCII? ¡Anda ya!

4 d'Abril de 2008

Impresionantes efectos a base de testu ASCII, verlo pa creyelo! :O

Na consola pa istalalo:
sudo apt-get install bb

Y pa velo, tamien dende consola
/usr/games/bb

Abrirá una ventana, aconseyote que la masimices anantes de calcar la primer rempuesta 😉

P2P N’Ubuntu

10 de Febreru de 2008

Les maneres más afayaíces de intercambiar música/pelis/documentos n’Ubuntu, pa mi son les siguientes:

1.- Amule. Atopeslu nos repositorios. ¿Qué dicir del emule linuxeru? 😀

2.- Si prefieres el torrent, yo quedome con Deluge (Tamién nos repositorios). Aunque na versión 8.04 sedrá Transmission el xestor por defectu. Imprescindible pa les búsquedes YouTorrent 😉

Aunque nun seyan P2P, nun puedo dexar de mencionar estes 2 opciones:
3.- Web: Per bonos enllaces de descarga directa en Vagos.

4.- Google? Sí! Google tamién nos ufierta esta posibilidá, de descarga directa d’archivos indexaos pol fámosu motor de búsqueda. Pa ello busques esto en Google:
-inurl:(htm|html|php) intitle:”index of” +”last modified” +”parent directory” +description +size +(wma|mp3) “sting”

Onde sting ye lo que busques 😉

¡Fálame!

5 de Febreru de 2008

Perprestosa y graciosa ye esta utilidá d’alsa:

Dende consola istalamos esto:
sudo apt-get install alsa-oss

Agora na consola ponemos esto (prende los altavoces):
aoss espeak -ves ?soi,Ubuntu,y,falo,asturianu,que,ye,lo,que,me,presta

jeje flipante eh? 😉

Pa camudar llingues faes esto:
aoss espeak -v -p ?

Exemplos:
Ingles: Dicir “Hello, I am Ubuntu”.
aoss espeak -ven -p2 ?hello,i,am,ubuntu

Pa lleer un archivu de testu pones el parámetru -f (que seya testu planu).

Apágate Ubuntu

5 de Febreru de 2008

Güei paeciome chocante porque una collacia qu’engañé pa que dexe el lláu escuru entrugome, “¿sabes de dalgún programa pa facer qu’Ubuntu s’apague solu cuando pase un tiempu? ye que pela nueche pongo pelis y munches veces duermo y en Window$ tengo un progamina que lo fai…” claro quedé ablucáu… un programa p’apagar el ordenador… la solución n’Ubuntu (y cualesquier Linux) ye más cenciella qu’eso…

Abres una terminal y escribes el siguiente comando:

$ sudo shutdown -h 30 time

Tendrás que meter la clave d’usuariu, necesitase executar sudo pa que furrule.

Onde pon 30 pones el tiempu que quies que pase enantes d’apagar l’equpu en minutos, si pones:

$ sudo shutdown -h now

apagarase de secute, si quies reiniciar namás cambia la -h por -r. Tien más opciones pa conoceles:

$ shutdown –help