Ayer nel Xixón 5º40′ abluqué cola calidá de Xera. Yera la primer vegada que los veía en direuto y sólo hai una pallabra: ¡chapó!
Y ye que tresmiten ciñu polo que faen como mui pocos grupos. Ye un preste ver que la so llucha por una música llibre ye ún de los sos ideales cimeros. Una música na que na mio humilde opinión ta adelantada 10 años al so tiempu.
¡Felicidaes Xera! 😀

… escaezseme daqué… ¡OTRES TRES! 😀

PD: Si quies oyilos, na so web http://xera.eu tienes los 2 discos baxo llicencia llibre CC. Nun escaezas collaborar ¿cómo? baxándola, compartiéndola y/o mercándola 🙂

Baxo llicencia Creative Commons Xera faenos esfrutar del so 2ᵁ trabayu perbonu: Tierra.

Si quies oyilu de baldre, calca equí.

La presentación va ser el día 23 de setiembre nel Teatru de la Universidá Llaboral de Xixón a les ocho la tarde.

Si te presta, por favor, merca-yos el discu, ye la forma de collaborar pa que sigan espublizando 😉

Fai unos 10 díes Xuacu facía un llamáu pa participar nel Ubuntu Free Culture Showcase, onde s’escueyen les obres artísitiques que van distribuise nes copies d’Ubuntu de la so prosima versión (karmic koala). Que amás va ser la primera qu’incluya l’instalador n’asturianu… y más novedaes que por prudencia voi guardame…

El casu ye que Xera apurre un remix del so tema Valdescabres, esbilláu del so primer discu Lliendes, pa participar… a ver si hai suerte por que yera lo que nos faltaba a los asturianos p’acabar d’invadir Ubuntu… (esto si que ye un LoCo team activu) 😉

Personalmente quiero agradece-yos el esfuerzu de conseguir una remezcla que nun pasare del mega que piden nel concursu, y pola paciencia d’aguantame, más teniendo en cuenta que taben tocando per Italia…

Esta versión usa una llicencia Creative Commons by-sa 3.0 es

BAXAR VALDESCABRES (Ubuntu remix)

Recordaivos que podeis baxar tola música de Xera (Creative Commons) dende la so páxina web. Y tar atentos que tan a puntu d’asoleyar el so segundu discu Tierra…