Güevu pintu en Gufw 10.04 esgonciáu por Youtube

30 de Xunetu de 2010

Lleí a Stallman dicir que la computación na nube (mails pela web, offices pela web, semeyes na web… ¿sigo?) yera una trampa onde tú nun yes dueñu de los tos propios datos ya información, y qué meyor que velo con un exemplu…

Gufw 10.04 tien un güevu pintu onde si pones bulls como regla simple salte un mensax antitaurín y enllaz a un videu de Youtube onde torturen fasta la muerte a un toru. ¿Qué meyor mensax internacional qu’esi videu onde se ve a esos asesinos tratar asina a un animal?

Calca na imaxe pa ver el güevu pintu

Cola noticia de Catalunya prohibiendo les corríes de toros ye’l meyor momentu pa espublizar esti güevu pintu, pero… ¡Youtube esborró‘l videu del enllaz amosáu nel güevu pintu! :@ por una “infraición de los drechos d’usu”… ¡¡¡WTF!!!

A parte d’esgonciar el güevu pintu dafechu, ¿Por qué diantres Youtube esborró esi videu? ¿Acasu la nuestra sociedá ye tan idílica que nun puede ser perturbada pola realidá? Guetando pela web, atopé xente pidiendo xubir esti videu más vegaes pa evitar los desaniciaos de Youtube.

Resumiendo:

  • Un perbon casu onde ver que nun tenemos control sobre los nuestros datos.
  • Un güevu pintu esgonciáu que tovía puedes siguir viendo en BlipTV, y baxar en avi con esti comandu dende la terminal. ¡Xubelu a tolos sitios que puedas!
  • A video used to be embedded here but the service that it was hosted on has shut down.
  • Y lo más importante: Onde esti añu siguirán torturando toros  ¡CORRÍES DE TOROS NON! ¡Vémonos n’Agostu na manifestación antitaurina en Xixón y na Xunta pola votación del desaniciu de les corríes!

Edición: 31 Xunetu: Atopé esti esceicional videu pa tolos públicos:

Ver el vídeu en Youtube

Ver videos de Youtube con Totem

14 de Xineru de 2010

Nun hai muncho que dicir tocante a Youtube, tol mundu tien visitao el sitiu web de videos más afamáu de la rede.  La “pega” de Youtube, ye que’l sitiu tien más publicidá que la camiseta d’un pilotu de rallies. Si quies evitate toa esta publicidá, puedes facelo, usando Totem.

Nel panel allugáu a mandrecha, estenderexa la llista d’arriba, y esbilla “Youtube“. Agora, namás tienes qu’escribir na caxa de gueta, el términu que quies alcontrar. Bien cenciello, eh? 😉

Déxovos con una captura del trailer de Harry Potter con subt. n’asturianu.

Nós RTPA – Nueves teunoloxíes y l’asturianu

23 de Setiembre de 2009

Prestosu programa de Nós nel que Próspero Morán amósanos l’asturianu nes nueves teunoloxíes 🙂

Ver el vídeu en Youtube

Google España esponsorizará a Softastur

28 d'Avientu de 2008

Va unes selmanes unviamos un corréu de Google España pa pidir que dean soporte al asturianu nel so buscador, sigún ellos nun yera rentable, sicasí llegamos a un acuerdu col que Softastur comprométese a traducir y caltener les versiones n’asturianu de dellos sitios de Google Inc. como ye’l propiu buscador, Gmail o Youtube. A cambiu ufrenos un sirvidor dedicáu de baldre siempre que se caltengan actualizaes les traducciones y cuentes d’usuarios especiales pa los sos servicios.

Necesitamos aida pa facer les traducciones (son munches) si tas interesáu dexa un comentariu n’esti post. En cuantes tengamos la máquina disponible tendremos una llista de corréu especifica pa esti proyeutu.

(más…)

¡Ubuntu ye perproductivu!

28 de Payares de 2008

Pa quien dulde de la potencia de Compiz, equí vos dexo un videu 😉 Y ye que nun ye sólo vistoso, tamién potente 😀

Ver el vídeu en Youtube