Toc, toc… The Matrix has you (o de hasta qué puntu yes un esclavu)

Matrix ye un sistema, Neo. Esi sistema ye’l nuesu enemigu. Pero cuando entres ¿qué ves al to alrodiu? Homes de negocios, profesores, abogaos, carpinteros… Son les mientes de los mesmos qu’intentamos salvar. Pero hasta que nun lo faigamos, siguen ensamando parte nesi sistema y eso fai que seyan los nuesos enemigos.

Famosu párrafu de famosa película, au podemos reconocenos con eses pequeñes o grandes coses que tenemos nes nueses tiestes, coses que tarrecemos, y de les que quixéremos salvar a los demás. Pero ¿hasta qué puntu yes tú un esclavu? ¿Vas salvar a los demás, o hai que salvate a ti primero?

De xuru t’identifiques + ó – colo siguiente:

  1. Hai que facer puxu acudiendo a les manifestaciones pola oficialidá.
  2. Tendría d’haber más noticies d’ambitu asturianista, o rellacionaes cola llingua.
  3. Camientes que la clás política que remana esti país ta n’ayén, sirviendo a otra mena d’intereses, y habría de camudar eso.
  4. La xente tien pocu apegu a lo de so, hai de facer que conozan más la so cultura
  5. Prestaríate ver más programes de TV na to llingua, más radios, más grupos de música…
  6. Naguaríes por una prensa diario escrito na to llingua,
  7. …la Toponimia,
  8. …los nomes de les cais, los escritos na facultá, l’alministración
  9. …el sindicatu del trabayu na to llingua, los indicadores de señales, los bandos del ayuntamientu,
  10. …los rótulos de les tiendes, los mensaxes informativos, los programes d’ordenador…

ALTO EHÍ!

.. y reflexona….

Toos en mayor o menor midía, dependen un pocu de tí, pero l’ÚLTIMU DEPENDE NAMÁI de tí.

Yá tienes programes d’ordenador na to llingua, ye más, tienes tou un Sistema Operativu en Llingua Asturiana. ¿Porqué nun lu uses? ¿A quién pretendes lliberar cuando TÚ yes l’esclavu?

Camienta nello.

YES UN ESCLAVU, y el to amu, nun fala la to llingua.

¿Per qué llau tendría qu’entamar a cambiar el mundu? Parez que pel tuyu…. Da el pasu, y pásate a Ubuntu.

Remembra…. “Toc, toc… the Matrix has you

14 comentarios al rodiu de “Toc, toc… The Matrix has you (o de hasta qué puntu yes un esclavu)”

  1. marquinos diz:

    ¡Perbon artículu! 😛

  2. Dangerous Piper diz:

    ḥeḥe, que frikada más guapa… ;P

  3. Astur diz:

    Val, pue ser una frikada, pero ye la puta verdá…. Considéreste asturianista, quies una sociedá n’asturianu, y pa una vegada que t’ufren una salida, una alternativa más pa la sociedá pola que nagües.. ¿Sigues usando Windows? ¿Porqué la xente nun da el pasu? Nun hai xida denguna, darréu que ta na so llingua. Poro, la única desplicación ye que son esclavos de Windows. Y esclavos nuna llingua que nun ye la de so.

    Que naide me venga con moralidaes de que si esto, que si lo otro,…. y llueu desixa la Oficialidá.

    La llingua entama por Tí Mesmu. Predicái col exemplu. Como diz el canciu de Dixebra:

    “Unidá, y toos en movimientu. Y TOOS EN MOVIMIENTU!”

  4. Dangerous Piper diz:

    Nun dixe que nun tengas razón, vamos que coincido al 100%, pero ye una frikada 😛

  5. Rieḷḷu diz:

    The Matrix Runs on Windows
    http://www.youtube.com/watch?v=yX8yrOAjfKM

    Teneís que velo hasta’l final, que ye onde ta lo meyor…

  6. Astur diz:

    Bono, yá que tamos…ver tamién esto
    http://www.youtube.com/watch?v=BPDhLcqJrWM&feature=related

    Pero el casu ye que tamos esviándonos un pocu del “mensax”, que vien a ser: “Prediques la oficialidá, pero sigues siendo un esclavu.”

  7. Casi diz:

    Cagunmimantu, toi dafechu d’alcuerdu.
    Poro, dalgunos somos esclavos porque nun tenemos nin idea d’informática.

    Yo, mentantu escribo esti mensaxe, toi descargando Ubuntu pa entamar a moveme, pero si ye enforma dificil de furrular con elli tornaré pa windows y a siguir siendo un esclavu.

    Pa decidime a facer esto llevo hores güeyando páxines sobro ubuntu y nun toi mui ciertu que seya quien a manexalo.

    Salú

  8. marquinos diz:

    Hola Casi 😉
    Aunque te parezca raro, veote candidatu perbonu pa usar Ubuntu: Tienes afán de curiosidá y de camudar 😀
    Si nun tienes idega d’informática recomiendote dir a una Install Party que se faen cada 6 meses y dexamoste l’ordenador con ubuntu instaláu y windows si quies. Además damoste un pequeñu cursu introductoriu pa que sepas manexate.
    Dao’l to casu, recomiendote quemar el CD d’Ubuntu, metelu en Windows y instalalu. Si canses puedes desinstalalu dende “Añadir/quitar programes”.
    En too casu, una instalación “seria” ye particionar.
    Un saludu y animu, remembra: hai una comunidá de millones d’usuarios p’aidate 😀

  9. Dangerous Piper diz:

    Tamos equí p’aidate Casi…

  10. Astur diz:

    Casi, ¿tú yes programador? non, ¿verdá? Y fízote falta dalguna vegada PROGRAMAR pa Windows; de xuru que non. Camiento que como los demás, (como yo tamién) uses Winbugs a nivel usuariu

    Pues con Ubuntu lo mesmo. Nun tienes que ser un programador. ¿Pa qué? Namás faltaría eso… Ubuntu nun ye difícil. Tolo contrario ye PERCENCIELLU. Mio pá tien 61 años y mio tíu 55, y usen Ubuntu. Lo único que te fadrá falta ye caciplar con él hasta ser un usuariu normal.

    Aparte, tienes una comunidá bien nutría de xente que te va a echar un gabitu no que seya. Si nun te ves faciendo tú la partición, pídenos aida. Son 15 mins…

  11. Casi diz:

    Bonos díes:

    Gracies pelos ánimos; poro, toi decepcionáu. Ayeri nun fui quien a facer furrular Ubuntu.
    Prendí l’ordenador col CD dientru ya nun yera quien a arrancar Ubuntu. Intente forciar l’entamu con CD ya nada. Tengo el windows vista, ¿tien daqué que ver?

    Dempues, caciplando ya con un manual d’Ubuntu, intenté quemar el CD ya nada.

    ¡TOI ESPERANDO POR UNA INSTALLPARTY!

    Dígolo glayando porque prestaríame pola vida andar con Ubuntu.

    Un abrazu

    ¡L’asturianu l.lingua ouficial, YÁ!

  12. Astur diz:

    Tas grabando correutamente el ficheru .iso nel CD? Si el CD d’arranque ta mal grabáu, nun furrulará. De xuru ye una chorradina que tas pasando per alto. El prósimu día 7 de marzu, hai una manifestación n’Uviéu a les 17:00. El to comentariu final, faime camentar que podríemos coincidir nel eventu. Si lleves el portátil échote un gabitu. (Si ye un sobremesa lo que tienes, doite un CD orixinal d’Ubuntu pa que faigas la preba).
    De toes, toes, lo meyor ye que pasares pel Chigre de Softastur. Equí tienes l’enllaz, namás ye rexistrate, y escribir les tos dubies nel Chigre (foru) http://wiki.softastur.org/Portada

  13. marquinos diz:

    Hola.
    Según lo que te pasa veo 2 posibles casos:
    1.- Quemaste mal el CD: Baxes un .iso dende http://www.ubuntu.com. Tienes que grabalu en formatu Imaxen ISO nel to grabador de Windows 😉 Non como CD de la triba Datos.

    2.- Nun configuraste la BIOS pa qu’anicie dende’l CD anantes que dende’l Discu duru.
    Si lo prefieres, y tamién pa comprobalo, mete’l CD en Windows y podrás instalalu dende Windows (aunque ye + recomendable nuna partición propia).

    Un saludu y ánimu, realmente ye perfácil 🙂
    Tamién has de mirar nel Chat de Freenode la sala #softastur, pa una aida más direuta.
    Pa ello puedes entrar equí: http://www.mibbit.com/chat/ y seleiciona IRC=Freenode y Channel #softastur Y el nick que quieras 😉 Atoparás más xente de tarde/nueche

  14. Casi diz:

    Bonos díes:

    Gracies collacios. Pémeque nun grabe bien el ficheru. Yo voi siguir intentándolo. Anque toi camentando instalalu asina como de dir per casa, ensin partición pa nun arriesgame, y cuando heba una installparty facelo más en seriu.

    Astur, gracies por ofrecete, pero… nun pueo dir a la mani porque taré trabayando y dempués voi a un cursin d’asturianu de la xunta. Asina y too faigome cargu del to ofrecimientu.

    Asina presta.

    Salú