Torrent anónimu

Nos últimos meses dalgunos gobiernos europeos, ente ellos el d’España y especialmente Francia, tan xugando cola posibilidá de desconeutar d’internet a los usuarios de redes p2p.

Vamos que pretenden prohibite el usu d’una teunoloxía porque sí. Porque, pal que nun lo sepa, a parte de que nun tool mundu usa p2p pa baxar películes o música, ye completamente llegal siempres que nun saques probechu económicu.

Podíemos tar hores falando de porque se quexen cineastes que nun tienen pelicules na mula o el torrent pero bono, esi ye otru tema…

El casu ye que’l Software Llibre úfrenos otra vuelta más la lliberta teunolóxica tan necesaria anguaño, y yá disponemos del primer cliente pa Torrent que fai tresmisiones anónimes gracies a la encriptación de les conexones. Ye BitBlinder, inda ye una beta, pero yá disponen d’un deb pa Debian y Ubuntu (anque si prefieres compilar códigu ye cosa tuya…)

1 comentariu al rodiu de “Torrent anónimu”

  1. Rieḷḷu diz:

    Falando de descargues, esti día descargue un archivu .rar y tuve guetando pa ver como descomprimilu. Atopé esti post pa facelo perfacil ya ensin complicaciones que de xuru va aidar a la xente qu’entama a usar ubuntu n’ast:

    http://tuxpepino.wordpress.com/2007/06/14/tip-comprimir-y-descomprimir-ficheros-rar-en-ubuntu-linux/

    Un saludu