Ubuntu 10.04 start

Esti ye un script que va aidate a instalar y/o personalizar dalgunes coses en Lucid Lynx. Una de les más solicitaes, ye’l cambéu de los botones de les ventanes a mandrecha (yo úsolos a manzorga…. pero tú mesmu).

Empecipiamos abriendo una terminal y allugámonos na carpeta Descargues:

cd Descargues

Agora descargamos el programa:

wget http://launchpad.net/ubuntustart/0.4.x/0.4.9/+download/ubuntu-10.04-start-0.4.9.8.tar.gz

Descomprimimos el ficheru:

tar -xvf ubuntu-10.04-start-0.4.9.8.tar.gz

Vamos a la carpeta onde lu descomprimimos:

cd ubuntu-10.04-start/

Y executamos el script:

sudo ./ubuntu-10.04-script

Abrirásenos la primer ventana que nos permite escoyer la llingua:

El primer pasu ye el de Personalización. Botones, habilitar/deshabilitar iconos, soníu del GDM etc… (Alcordáivos de da-y a la opción “Amestar repositorios adicionales“, esto va facevos falta nel pasu 2.)

Dempués de calcar n’Aceutar, el script executará los cambeos, y pasamos al Pasu 2: Instalar y desinstalar programes

Qu’esfrutéis, ubunteros. 😉

4 comentarios al rodiu de “Ubuntu 10.04 start”

  1. marquinos diz:

    Yo toi totalmente escontra d’estos scripts. NUN RECOMIENDO USAR NENGÚN SCRIPT Y MUNCHO MENOS COMO ROOT, salvo mui cuntaes escepciones.
    ¿Los motivos?
    – ¿estudiastes el códigu del script pa saber qué fae realmente? (Posibilidá de spyware, scripts dañinos…).
    – Nun tas trabayando con un códigu fiable, ta sacáu d’un enllaz que a saber qué fae. Conseyu: si nun ta los repositorios, nun lo uses.
    – Los scripts nun suelen controlar en qué versión tas d’Ubuntu… cuando tengas Ubuntu 10.04.2 esto igual te revienta’l sistema.
    – ¿Pa qué necesito un script pa instalar GIMP? apaga y vámonos… Por cierto, los botones ye tan cenciello cómo facelo dende onde escueyes el tema… ¿díficil eh?

    Ubuntu ya ye bien cenciello de por sí, y LA MANERA D’EVITAR TENER UN UBUNTU INESTABLE ye precisamente evitar estes morralles.
    Manifiestome totalmente escontra d’esti artículu.

    Echa-y un vistazu a esto: http://acurti.es/7dh

  2. Astur diz:

    La xente ye mayorcita. L’script tá más verificáu y tiénenlu vistu más güeyos que los videos de la Sara Carbonero. Asina que tranqui.

    Joer cómo ta el patio….

  3. marquinos diz:

    Existía fae unos años Automatix, y tenía la utilidá d’esti mesmu script: http://acurti.es/7dh
    Facía coses que col tiempu creaben inestabilidá (digolo pola mio propia esperiencia col Ubuntu 7.04), puedes lleer esti post:
    http://ubuntuforums.org/showthread.php?t=251004
    Asina que si queremos presumir de sistema estable, los scripts lo + lloñe posible 😉

  4. marquinos diz:

    Y sorry… pero ye que diste cola rama militar de Tapaponga 😛