Minecraft

Minecraft ye un xuegu de mundiu abiertu, polo que nun tien un oxetivu específicu, dexándo-y al xugador una gran llibertá tocante a la esbilla del so mou de xugar, magar d’ello’l xuegu tien llogros que puen algamase. El mou de xuegu por defeutu ye en primer persona, magar que los xugadores tienen la posibilidá de camudalo a tercer persona. El xuegu céntrase nel asitiamientu y desanciu de bloques, siendo oxetos tridimensionales cúbicos, asitiaos sobro un patrón de rexáu fixu. Estos cubos o bloques representen principalmente estremaos elementos de la ñatura, como tierra, piedra, minerales, tueros d’un árbol, ente otros. Los xugadores son llibres de movese pela so redolada y modificala per aciu la creación, recoleición y tresporte de los bloques que componen el xuegu, que namái puen asitiase respetando’l rexáu fixu del xuegu.

El xuegu tamién inclúi animales y personaxes non xugables, denomaos nel so conxuntu como creatures (mobs n’inglés). Estes creatures puen ser pacífiques, como los gochos, caballos, pites, oveyes, etc… de los que’l xugador pue consiguir alimentu y recursos cenciellamente; pero tamién apaecen nel xuegu creatures fosqueres, como muertos vivies, arañes xigantes, cadarmes, etc… que namái apaecen na nueche o en zones escures. Ente estes creatures alcuéntrense tamién, los crípers, qu’españen al tar cierca’l xugador, creatures neutrales como los Homes d’Ender, que puen recoyer bloques y teletresportase, ya incluso Xefes (bosses n’inglés) como’l Wither. Tamién hai animales que puen trallase como’l llobu y creatures que puen invocase como’l gólem de ñeve.

Esti videoxuegu ta desendolcáu por Mojang AB, propiedá de Microsoft, y el so creador ye Markus Persson “Notch”. Minecraft n’asturianu ta disponible pa Linux, Windows y Mac.

Fonte: Wikipedia

Semeya de la primer versión n'asturianu

Semeya de la primer versión n’asturianu

Estaya na que puen crease los mundios

Estaya na que puen crease los mundios

Entamando a xugar

Entamando a xugar

Primi equí pa dir a la páxina oficial y mercar esti videoxuegu o probar una demo

Leave a Reply

Your email address will not be published. Required fields are marked *

*

Zarrar
Mandar Corréu Electrónicu