Zarramos Ximiélgame (otra vuelta)

14 de Xunu de 2013 por Dangerous Piper

zarramos

Como ya veníemos anunciando dende hai un mes nes cuentes oficiales en Ximiélgame, Twitter y la páxina de Facebook, mañana daremos acabación a la rede Ximiélgame. Desaniciaremos tolos usuarios, los datos y publicaciones feches.

Los motivos son principalmente l’abandonu del desendolcu de nueves funcionalidaes pola nuesa parte, algo que fae que’l usu seya anguaño cuasi nulu. Esto sumáu a que nun tenemos ganes de tirar por ello y que nos supón un gastu mantenelu, ye poco pero preferimos gastalo en chigre, llévanos a tomar esta decisión.

Anque zarremos ye con un bon tastiu, prestónos munchu xugar con esto, sobremanera la étapa de beta privada con tol sofitu de los blogueros y la xente de Softastur.

Ximiélgame marcha con 2.529 usuarios rexistraos, 9.652 mensaxes nel telégrafu y 4.587 mensaxes privaos, inda tamos baxando’l log del sirvidor pa saber cuantes visites tuvo, la verdá ye que nunca lo miramos cuando lo sepamos editaremos esta entrada.

Si alguien tien un proyeutu interesante, n’asturianu y llibre, y quier el dominiu tresferímoslu ensin problema.

Gracies a toos…

Novedaes en Ximiélgame

30 de Xunetu de 2010 por Dangerous Piper

Los que dende les 00:00 hores a les 20:00 de güei intentasteis entrar en Ximiélga.me, veriais que la páxina tuvo zarrada. El motivu foi una actualización y renovación profunda del sistema, y l’entamu de les primeres pruebes del API.

L’API (del inglés interfaz de programación d’aplicaciones) permitirá a terceros desendolcar aplicaciones que permitan interactuar con Ximiélga.me ensin que l’usuariu tenga que entrar nel sitiu. Esto ye mui útil pa coses como que un blogue o páxina web mande a la so cuenta en Ximiélgame un enllaz del artículu que t’acabante d’espublizar, o aplicaciones d’escritoriu como gwibber. Más alantre espublizaremos otru artículu más detalláu y facilitaremos llibreríes pal desendolcu d’aplicaciones pal API.

Aprovechamos el parón de güei tamién pa dar la posibilidá de que los mensaxes del telégrafu seyan públicos, si dientru de les opciones de privacidá esbillamos “Públicu”, podrán siguinos los mensaxes del telegrafu persones que nun ten rexistraes.

Otru cambeo importante ye la primer versión en francés de Ximiélgame, que pasa a ser el cuartu idioma qu’ufrimos xunto col asturianu, inglés y castellanu, sicasí inda nun ye una versión final y ta incompleta, poro cunta con un 85% de los mensaxes tornaos. Esta versión ye gracies al trabayu del equipu d’Elgg.fr

Gracies pola paciencia durante estes hores.

INPORTANTE PA LOS USUARIOS DE TWITTER: Dientru de la reorganización que ficimos en ximiélgame, axustamos el preseo que permite coneutanos con twitter pa unviar los mensaxes del telégrafu. Pa poder siguir usandolo teneis de configuralu otra vuelta na páxina de configuración: http://ximielga.me/pg/settings/plugins/

Sistema nuevu d’integración con Twitter

30 d'Abril de 2010 por Dangerous Piper

Por mor de cambeos fechos nel API de twitter, tamos acabantes d’anovar el sistema pa unviar mensaxes dende El Telégrafu a Twitter. Aprovechamos pa dixebrar les opciones d’identi.ca y de twitter pa poder unviar a los dos servicios al mesmu tiempu.

Los usuarios d’identi.ca nun tienen que facer nada, pero los que useis twitter teneis d’aceptar la aplicación de Ximiélgame en twitter dende la configuración de preseos.

A nivel técnicu esti API nuevu de twitter fai usu del protocolu oauth, que ye más seguru pal usuariu porque nun tien necesidá de compartir la clave, y pal proveedor que aforra tener que guardales.

Ximiélga.me yá fala castellanu

21 de Marzu de 2010 por Dangerous Piper

En Ximiélga.me anque ye una rede empobinada a falantes d’asturianu, nun queríemos reducinos a esti grupu por mor de que toos tenemos dalgún collaciu o conocíu col que canltenemos contauto pela rede y que nun ye a falar asturianu. Por eso ufrimos esti soporte a otros idiomes, llóxicamente los nuesos esfuercios empobinámoslos a caltener y curiar la versión n’asturianu.

Tamién tenei en cuenta que de momentu namái que los usuarios rexistraos pueden cambiar l’idioma de Ximiélga.me, y por supuesto namái qu’afecta al interfáz, nunca  a los mensaxes de los usuarios. Nun futuru esperamos poder ufrir la esbilla del idioma a los usuarios nuevos que nun tean rexistraos.

Ximiélgame ñació billingüe, xuntu col asturianu ya ufría l’inglés y agora axúntase’l castellanu… pero tamos abiertos a más. Por eso si yes usuariu/a de Ximiélga.me y tienes interés en traducilo a otru idioma namái que tienes de ponete en contautu con nós y dexanos un mensax n’esti artículu col idioma al que quies traducir.

Ximiélga.me ya habla castellano

21 de Marzu de 2010 por Dangerous Piper

En Ximiélga.me a pesar de ser una red diseñada para hablantes de asturiano, no queríamos reducirnos a este grupo ya que todos tenemos algún amigo o conocido con el que mantenemos contacto por la red y que no es hablante de asturiano. Por eso ofrecemos este soporte a otros idiomas, lógicamente nuestros esfuerzos van dirigidos a mantener y cuidar la versión en asturiano.

También hay que tener en cuenta que de momento sólo los usuarios registrados pueden cambiar el idioma de Ximiélga.me, y por supuesto sólo afecta al interfáz, nunca  a los mensajes de los usuarios. En un futuro esperamos poder ofrecer elegir el idioma a los usuarios nuevos no registrados.

Ximiélgame nació bilingüe, junto con el asturiano ya ofrecía el inglés y ahora se suma el castellano… pero estamos abiertos a más. Por eso si eres usuario de Ximiélga.me y estás interesado en traducirlo a otro idioma sólo tienes que ponerte en contacto con nosotros dejandonos un mensaje en este mismo artículo indicando el idioma al que quieres traducir.

Mañana entama la beta pública

18 de Marzu de 2010 por Dangerous Piper

… o lo que ye lo mesmo, quedará abiertu el rexistru d’usuarios nuevos.

Si too va bien a lo llargu de mañana vienres tendremos preparáu Ximiélga.me pa entamar a usalo de verdá… sicasí seguimos en fase de pruebes, polo que cualesquier fallu que veais podreis siguir unviandolos al grupu Ximiélgame.

Primer actualización importante

17 de Marzu de 2010 por Dangerous Piper

Tamos acabantes de facer cambeos importantes en Ximiélga.me de cara a la fase beta pública.

Dientro d’estos cambeos ta el descarte del sistema de mensaxería instantaneo ente collacios coneutaos. La esplicación ta na enorme carga que supón pal sirvidor les consultes d’estáu constantes.

La idea ye facer una sala de chat global pa la web, colo que el sistema nun tien de facer tantes consultes, sicasí les charres serán públiques a tolos usuarios coneutaos al sistema, pensamos que col sistema de mensaxería interno cúbrese la necesidá de facer comentarios individuales.

Ente los cambeos “visibles” qu’inclui esta versión nueva ta:

  • Integración de recaptcha nos formularios de rexistru, conexón y recordatoriu de clave.
  • Imáxenes d’usuariu más pequeñes nel tableru d’actividá pa una carga más rápida.
  • Nuevu y meyor sistema de busca dientru del sitiu.

Amás d’estos cambeos evidentes, implementamos otres meyores:

  • Primer alpha del API pa poder trabayar con Ximiélga.me dende aplicaciones esternes
  • Sistema de traducción online del sitiu (restrinxíu a traductores) de momentu con soporte pa castellanu, gallegu y portugués.
  • Nueva estructura de carpetes pal agospiamientu de ficheros.

Mañana esperamos sacar tiempu pa dalguna novedá más, sicasí yá nun tendremos falta de zarrar la páxina al tar los cambeos importantes fechos.

Gracies pola paciencia de les últimes 20 hores.

Dos widgets nuevos p’amestar feeds RSS nel to perfil

8 de Marzu de 2010 por Dangerous Piper

Yá podemos incluir feeds RSS na nuesa páxina de perfil de Ximiélgame.

Tenemos dos tipos de widgets: “Feeds RSS” y “Feed RSS personalizáu”. El primeru incluye una serie de servicios predeterminaos que podemos escoyer, y el segundu permítenos amestar el feed que queramos (siempres que respete los estandares).

El procesu ye como el de los demás widgets: Dende la nuesa páxina de perfil calcamos “Editar páxina”  y arrastramos el widget que queramos (o los dos) a la posición de la páxina onde queremos amosalu. Podemos arrastrar más widgets, depués de guardar los primeros, p’amestar dellos feeds a una mesma páxina.

feeds_1

Una vez guardaos podemos configuralos, calcando na esquinina a mandrecha que diz “editar”.

Podremos entos dar una url (nel caso del personalizáu)

feeds_2

O esbillalu del llistáu facilitáu

feeds_3

Tamién podemos decidir cuantes entraes queremos amosar nel widget, y podremos esbillar ente los feeds de: esbilla.net, Canal blogues d’Asturies.com, Planeta Nireblog, Planeta Softastur, Altuxa Blogs y Europa Press. Estos servicios pueden ampliase fácilmente, polo que si echais en falta dalgún sitiu interesante pedilu ensin más (nun meteremos blogues individuales).

Darréu un exemplu de como quedaríen los dos widgets

feeds_4

Cambiamos de dominiu

4 de Marzu de 2010 por Dangerous Piper

Nel sidra y blogues del pasáu febreru, Pingarates comentónos que porque nun rexistrábemos ximielga.me, así escribiríemos menos amás de ser más prestosu (aka cool). La verdá ye que nin conocíemos el .me (que corresponde a Montenegru).

Pero prestónos la idea enforma, y fechu… agora Ximiĺegame ye ximielga.me (ximielgame.net seguirá operativu)

Coneutar Ximiélgame con indenti.ca, Facebook y Twitter

12 de Xineru de 2010 por Dangerous Piper

Tamos trabayando pa poder espublizar los mensaxes del Telégrafu de Ximiélgame nel wall de Facebook, si nun quies esperar y yes usuariu d’identi.ca puedes usar les conexones d’esti serviciu de microbloggin (que amás ye Software Llibre) pa unviar dende Ximiélgame a toos estos servicios.

Lo primero ye configurar la to cuenta de Ximiélgame pa que mande los mensaxes del Telégrafu a identi.ca, ten encuenta que namás que van mandase los mensaxes que tengas configuraos como públicos, esto puedes facelu editando’l widget del telegráfu del to perfil.

Vamos a “Configuración>Configurar los tos preseos” y na estaya “Serviciu de microblogging” ponemos el nome d’usuariu y clave d’indenti.ca, marcamos el serviciu y escoyemos “Si” na opción d’unviar los mensaxes. Cuando te too llistu guardamos y tolos mensaxes públicos qu’espublices en Telégrafu saldrán na to cuenta d’identi.ca.

iden_01

Agora entramos n’identi.ca y na opción “Conectarse” vermos dos llingüetes, una pa Twitter y otra pa Facebook onde podremos coneutar con estos servicios y configuralos pa unviar tolos mensaxes d’identi.ca.  Nel casu de Facebook tendrás d’instalar l’aplicación pa identi.ca.

iden_02

Si namás que uses Twitter, puedes coneutar Ximiélgame igual que con identi.ca y si namás que ueses Facebook, en unos díes podrás coneutalu direutamente dende Ximiélgame… esti artículu ta dirixíu a los usuarios impacientes ;) y a los que usen los tres servicios.

Serviciu de microblogging


Zarrar
Mandar Corréu Electrónicu