Zarramos Ximiélgame (otra vuelta)

zarramos

Como ya veníemos anunciando dende hai un mes nes cuentes oficiales en Ximiélgame, Twitter y la páxina de Facebook, mañana daremos acabación a la rede Ximiélgame. Desaniciaremos tolos usuarios, los datos y publicaciones feches.

Los motivos son principalmente l’abandonu del desendolcu de nueves funcionalidaes pola nuesa parte, algo que fae que’l usu seya anguaño cuasi nulu. Esto sumáu a que nun tenemos ganes de tirar por ello y que nos supón un gastu mantenelu, ye poco pero preferimos gastalo en chigre, llévanos a tomar esta decisión.

Anque zarremos ye con un bon tastiu, prestónos munchu xugar con esto, sobremanera la étapa de beta privada con tol sofitu de los blogueros y la xente de Softastur.

Ximiélgame marcha con 2.529 usuarios rexistraos, 9.652 mensaxes nel telégrafu y 4.587 mensaxes privaos, inda tamos baxando’l log del sirvidor pa saber cuantes visites tuvo, la verdá ye que nunca lo miramos cuando lo sepamos editaremos esta entrada.

Si alguien tien un proyeutu interesante, n’asturianu y llibre, y quier el dominiu tresferímoslu ensin problema.

Gracies a toos…

1 comentariu al rodiu de “Zarramos Ximiélgame (otra vuelta)”

  1. Somau diz:

    Pues ye una pena que nun sigais p´alante. Espero algún día se faiga algo paecíu.


Zarrar
Mandar Corréu Electrónicu